مريت ماضي قديم وصابني شاضي = هاذي رسومه بقت والا اصلها وينه
لعين خالد مررت وشفت الانقاضي = لازال باقي والاخرى مالها عينه
يادار تكفين لون تحكيين عن ماضي = ماضي لنا فات قد قفت به سنينه
اذكر الا جا المطر يغط الارواضي = والبيت سقفه من الدنكل وتلبينه
وانا صغير مثل غيري بمركاضي = ويلمنا الليل خوف من معادينه
نسرح ونضوي وفكر الادمي فاضي = ماحاسب الوقت مافكر بتقنينه
ماهمنا الوقت كله مالنا حاضي = ماغير نلعب ونلهو ايييه يازينه
ذكرت فيها لنا عودٍ مايعتاضي = وذكرت اخٍ عزيزٍ مع اخاوينه
وذكرت جيراننا والكل متراضي = ولف ومحبه هل الطالات مرسينه
خمسين عامٍ من الستين والماضي = اقفى به الوقت والذكرى عناوينه

(الاياعين بالعبرات هلّي)=على دارٍ هله شدوا وخلّي
أجـــــنـــــب عـــــنـــــه والــــــــــدرب يـــحــــدانــــي=وآمـــــــرّه واخذ مـــــــن الـــحــــزن جـــلّــــي
وأروح ودمـــعـــتـــي مـــــــــن فـــــــــوق خـــــــــدي=كــــمــــا ســــيــــل تــــهــــاوى مـــــــــع مـــطـــلّـــي
الا يـــــــــــا دار ويـــــــــــن الـــــلــــــي نـــحــــبّــــه=تــــــــرى الــفـــرقـــا تــــســــل الــــحــــال ســــلّــــي
عـــــقـــــب ذيــــــــــك الانـــــاســـــه والـــطـــرابــــه=ومـــــجــــــلاسٍ بـــربــــعِــــك مـــــــــــا يـــمــــلّــــي
عــفــتـــك الـــنــــود واصـــبــــح فـــيــــك وحـــشــــه=وغــــــــاب الــــلــــي لــــيـــــا جـــيـــنـــا يـــهـــلّـــي
رحـــــــل عــــنــــي وعــــنــــك وغــــــــاب عــــنّــــا=وفـــــيـــــك الـــــحـــــزن عـــقـــبــــه مــســتــحــلّــي
تـــشـــتــــت شـــــمـــــل ســـكـــانــــك وراحــــــــــوا=وطــــيــــر الــــبــــوم فــــــــي مـــبـــنـــاك حــــلّـــــي

فـــــلأحــــــد يــلـــومـــنـــي لاهـــــــــــل دمـــــعــــــي=الاياعين بالعبرات هلّي