الرجاء من الجميع أعضاء وزوآر الأنصّآت والتمعن

بالشعر والجزاله والمفرده والگلمه

فأنتم لگم موعد مع أحد عمالقه الشعر النبطي

صآحب الأبيات الأگثر تداولاً وشهرهـ حتى بعد وفاته

ـأنگم بمتصفح عآمر بن نوطآن..فأقرئوا البيت مرارا وتگرارا!

ولأنه عآمر أبن نوطآن

تقف الحروف خجلا وتتوآرى الگلمآت من هول وگبر شآعريته!!

هنا اقدم لگم من تراث الشعر النبطي ..وجزالته وعبق مآضيه وأصالته

قصائد الشاعـر / عامر بن نوطان المري

تعريف الشاعر

هو عامر بن حمد بن نوطان ال جابر المري

وهو ابن العقيد والفارس المعروف حمد بن نوطان احد فرسان قبيله ال مره

ولد الشاعر عام ( 1935 م ) الموافق ( 1355 هـ ) في واحة يبرين

في المملگه العربيه السعوديه ,

والتي تبعد عن الاحساء حوالي ( 260 كم ) جنوبا

وهي تابعه لمحافظة الاحساء.

حـيـاتـه

نشأ وعاش بداية حياته في يبرين حيث توفي والده وهو ابن الثانية عشرة من العمر

وگانت من اولى قصائده الرثاء

التي رثى بها ابيه حـيـث قـال :

يــاونتي ونـة عميق الطعوني= في ملتقى الزلبات خلّوه قومه

عليك يابوي اللطيف الحنوني = اللي لنا نفسه رؤوف رحـومـه

فقد گانت ظروفه الصعبه التي مر بها في هذا السن المبگر

گفيلة بأن تجعله يلتحق بمدرسة الحياه مبگراً ويصارع في معترگها

ليعيل عائلته في تلگ السنوات العجاف , فأخوه الاگبر ( علي )

نأت به ظروف البحث عن لقمة العيش , والاصغر منه ( محمد )

الملقب بالشمالي گان صغيراً جداً على ان يعتمد على نفسه .

وبعد عدة سنوات قضاها الشاعر في المملگه العربيه السعوديه

انتقل للعيش في الگويت التي استقر بها , حيث عمل موظفاً في وزارة الأشغال

وتقاعد بعد ان خدم عدة سنوات في القطاع الحگومي

ليعود بعد ذلگ الي المملگه العربيه السعوديه حيث هوايته وبهجة

فؤاده , الا وهي الابل .

گان الشاعر من شديدي الحب للإبل

وممن يؤمن إيماناً صادقاً بأنها إحدى معجزات الله في ارضه

حيث گان يفضّل مجاورتها في البراري على الراحه في قصور المدن

وگان أگثر مايؤسفه عليها اختلاف عصرها الحاضر عن الماضي

وسوء الحال الذي آلت اليه والظروف التي المّت بها .

انتقل عامر بن نوطان الى رحمة الله في منطقه الاحساء بالمملگه العربيه السعوديه

عام ( 1998م ) الموافق ( 1418هـ )

ولد في يبرين وتوفي في الاحساء سنة 1998 ميلادي

تارگاً خلفه موروثاً ادبياً يصعب على من بعده جمعه وحصره في گتابٍ واحد .

اول ما سنتطرق له من ابواب الشعر الغزل حيث گان مبدعا فيه بصورة خياليه

رحمه الله سواء في حب او في عتب او في فراق :

يقول ابن نوطان :

الحزن يوجع مفاخت الجنيني= والحزين اللي جروحه مستگنـه

حالف ان اموت واوسّد يمينـي= لادله قلبي ولا سجّيـت منـه

عاتقٍ حبه وماضيٍ له سنينـي = مقرعٍ قلبي عليه اقـراع شنّـه

اجحد الخلّة وانا قلبي حزينـي = واتعزّز گن نفسـي مرجهنّـه

ان رقدت آخذ بنومي ساعتيني =وان صحيت اتابع الونّه بونّـه

حي من قبل امس شاهدته بعيني =سجة ٍ وياه بعض الوقت جنـّه

إلى اقـفـى النـهـار واقـبــل الـلـيـل مـادانـيـه=معي ضيق صـدرٍ مـن تغـلاق الأشفاقـي
سقى الله ضحى ذا اليوم والعصر لاتسقيه=نـهــار أجتـمـاعٍ حـــل فـيــه الـتـفـراقـي
نـهــارٍ سـعـيـدٍ أوّلـــه وأقـشــر تـالـيــه=توادعـت انـا والـلـي لــه القـلـب مشتـاقـي
ويـاقـوّ عـزمـي يــوم قـفـّى وانــا اراعـيـه=أجـامـل وأنـــا لـدمــوع عـيـنـي تسيـبـاقـي
نظرنـي بعينٍ تخـلـف الـلـي يطـالـع فـيـه=گمـا عـيـن حــرٍ لابـرق الـريـش لحـّاقـي
أنــا خـاطـري فــي خـوّتــه ودّي أخـاويــه=وروحـي معـه تنسـاق مــن دون سـواقـي
ويـاعـاذلـي لاتـمـحـن الـقـلـب وتـقـاصـيـه=تحاگـيـه وجـروحــه مـرامـيـس وعـتـاقـي
لــو إنــه يخـلـي الـحـب مـــن وده يخـلـيـه=تـشـوف الـمـوده مابـهـا واحـــدٍ شـاقــي
إذا جيـت بخـفـي لـوعـة الـحـب ماتخفـيـه=عيـونٍ عبايـرهـا عـلـى خــدّي أطـلاقــي
جبرنـي زمـانـي وانـتـزح واحــدٍ أغلـيـه=وقلبـي عـلـى شــوف المحبـيـن محـراقـي
أحبـه وأحـب الـلـي يجيـبـون لــي طـاريـه=ولـــه مخـلـصٍ مـانـيـب للـعـهـد بـواقــي
خـذا الـروح گلـه مابقـى لـه شريكٍ فـيـه=وجعـلـه فــدى لــه مـاخـذه مـنـه والـبـاقـي
عذابـي مـن اللـي يجـرح القلـب ويـداويـه=وهو راس مالي في البـراري والاسواقـي
غـدا گـل همـي فــي خيـالـه وفــي طـاريـه=وخـلّـيـت دورات المـعـيـشـة والأرزاقــــي
تعـايـد عـلـي مواجـهـه ويــن زيــد أجـيــه=وقف منه وصلي وقفت المـا مـن الساقـي

عاد في گبدي من الماضي توالي = والسلامه الأوله ماهي صحيحه
مانفعني طول بعدي واعتزالي = خابر ان الحزن مايسلم طريحه
اعتزلت الناس في جو لحالي =واثر طول البعد مايبرى جريحه
خذت منگ شربةٍ ماعدتهالي = مثل سقي اهل الضحيه للذبيحه
اعرضوا ياناس عن گثر السؤالي = وش لگم ياهل القلوب المستريحه

ونتي من ضيقة الصدر . ماهي من طرب = من شقا الروح العليله ورجوى المستحيل ..!
ذا السنه .. قلبي على الهم والحزن احتسب = غير ياقلبي تصبر وقل صبر جميل ..
أشهد انه جا لعيني على الدمعه .. سبب = يوم وگدت المفاارق وجا الهجر الطويل ..
قطع ياطاري التفراق .. وفخات العرب= جعل مطلاع الثريا . / بعد طلعة سهيل ..!
عزتي لمولع القلب من تالي رجب= لانتهى المقياض .. وابعد عميلٍ من عميل

أنا ماهقيت يسوّي الوقـت مـا سـوّاه= وخان الزمـان وعـادة الوقـت خوّانـي
ويا حيّ مـن هـذي ديـاره وذا مربـاه= ذواري هبوب النود مـن فوقهـا بانـي
أنا يـوم شفـت البيـت متهـدم ٍ مبنـاه= تذكّرت زول ٍ گان فـي البيـت سكّانـي
أنادي عليه وساقي العين جـاري ٍ مـاه= وأنا عارف إنـي لـو تحرّيـت ماجانـي
ظلمني الزمان اللي جبرني على فرقـاه = صواديـف بقعـا شرّهـا مـا تعـدّانـي
صدوف الزمان وطول صبر ٍ لحقت اقصاه= حدتني علـى مبـدا الطويلـة مسيّانـي
أنا قد بغيت أوقف الرجـل مـن مبـداه= ولكـن شفـت المـوت مازيـد خلانـي
إلى جيت عد ٍ قد نـزل مـاه والا جـاه= تسابق دموعي واظهرت خافي أحزانـي
أنا گيف بدله واطمع ان خاطري ينسـاه= وأنا گـل مـا مريـت مدهالـه ابگانـي
إلى جات به الاخبـار وألاّ حـد ٍ طـرّاه= ما عاد أتسمّع صوت من زيـد حاگانـي
أعيـش بخيالـه واتنـادم مـع ذكـراه= ويدوي بي الهاجوس في عالـم ٍ ثانـي
يغيّم سماي إلـى تواجهـت أنـا ويّـاه=وحتى الحكي ماعاد ينطـق بـه لسانـي
قضى العمر كله عادني في رجـا لامـاه= وطـال الرجـا واليـاس قـام يتحدانـي
هو اللي تتوق النفس لمشاهـده وحكـاه= ولا جـا بقلبـي عنْـه سجّـه ونسيانـي

يوم عديت الطويله معا وقت الغروب = قلت هذي قدرةٍ من حياتي دانيه
يوم جيت العد خاليٍِ وهو كان معروب = ذي منازلهم عليها الذواري بانيه
حي من داره عليها بنى ذاري الهبوب = كل ماسجيت مريت داره ثانيه

تذكرت يالغالي زمانٍ علينا فات=تذكرت وقته واظهرت خافي احزاني
نحبك ومغلينك على جملة الخفرات= محبة شرف مااهيب كذب(ن) وبهتاني
على سبتك في من جميع العرب سجات = إلا سولفوا كن السوالف تعداني

صاب قلبي نهار اليوم زولٍ حسين = جادلٍ كن مدامعها مدامع غزال
هيضتني وانا عيني لها من سنين=غير عيت تمكني قصار الحبال
هب ريح النسيم وهز قلبٍ حزين=صوت زولٍ عطاه الله كثر الجمال
أحسب إني دلهت وصار قلبي متين= واثر عاد الجروح الخافيه لا تزال
مرحبا بالحبيب اللي كلامه ثمين=عد ذاري هبوبٍ سايقته الشمال
يا جميله عساك بحالتي ترحمين=لاتتلين قلبي تل دلو المحال
بشتكي حالتي لك كود قلبك يلين =رب باقي لنا باطراف غصنك ظلال
عايشٍ بالدموع وكثر جر الونين=عقب راحة ركاب القلب شد الرحال

ذكّر على عيني وهيض عناها=لديار الخالية عقب اهلها‎
ماجيت من دارٍ قعدت اهجاها=واسأل ديار الحي عن من نزلها
شفت الديار اللي رحل من بناها=راحت جدايدها وباقي سملها
كم مجلسٍ ضوّه يقودك سناها=رحل مصاليها وغاب معملها
لاخير في الدنيا ورزقٍ وراها=على البشر صكاتها ماعجلها
دنياً على الاجواد دارت رحاها=خلت منازلهم تهدم حللها
لو ان جزع عيني وكثرة بكاها=ترجع لنا قومٍ تقافت رحلها
نخيت عيني لا تباخل بماها=وبكيت لين العين ييبس بللها
على بني عمٍ طريٍ نباها=ياليتها ترجع ويرحل بدلها
لا دار من فوق المحالة رشاها=يوم به العقال يكثرجهلها
جوابرٍ تذري ويذري ذراها=وتنقل حمولٍ غيرها ما نقلها
هل ديرةٍ يامن بها من نصاها=ويحل في عوصاً رفيعٍ جبلها
لا جيتهم نفسك تحس بغلاها=تزيد فرحتها ويبعد زملها
عزاه يا دارٍ عذيٍ هواها=وديانها تبكي ويبكي مثلها
وتبكي الغروس اللي وصايف حلاها=وصف البنات اللي تنسّل قذلها
من عقب اهلها نازلٍ مستواها= من حل فيها عقبهم ما عدلها
نزل بها قومٍ كثير لغاها=ما ينعرف لي حقدها من زعلها
كلٍ نظر عينه قريبٍ مداها=ومن جاه منك زلةٍ ما احتملها

ونتي ونةٍ خلـوجٍ مـع الوقـت العتيـم=وكدت مذبـح ولدهـا وحالـوا دونهـا

حالي اللي راحت اشجار وديانـه هشيـم =مبطـيٍ مازيـد دب الحيـا بغصونهـا

لاجرى ماها ولازيـد حركهـا النسيـم = من بطا الامحـال فيهـا تغيـر لونهـا

كانيٍ مابي وانا مخفـي ٍ شـي ٍ عظيـم = وكل الارض اليوم ضاقت علي ركونها

ياعرب تكفون من كان له قلب ٍ رحيـم = كل نفس ٍ صابها الحـزن لا تقصونهـا

خاطري داروه ياللـي تـدارون اليتيـم = وان بكت عيني من الدمـع لا تنهونهـا

كبدي اللي لاعها خافي الحـزن السقيـم= كـل ماقلنـا تشالـت تزيـد طعونهـا

كل ما بريت جروحي من الحزن القديـم = جيت دار ٍ حايـل ٍ البطـا مـن دونهـا

في الهوى حزات من وصف جنات النعيم = وفيه نار ٍ جملـة الخلـق مـا يقوونهـا

ونتي ونه يتيم تغالط في احكاه= كل ما سولف من امه من العبره غوا
مات ابيه وماتت امه وربوه قصراه= ماله الا عمتن ما طلب قالت لوا
وعيني الي كن فيها من الفرقا قذاه=ومن نشدني قلت ما غير لافحها هوا
وقلبي الي كل ما سج عود في عناه= وحالي الي لا تشالا من الحزن انطوا

ياللي على شان معكازي تبين لي =رجلي على حالها وانا على حالي

غروٍ وجوده على الدنيا عذابٍ الي = لا قربه اشلى ولا فرقاه با شلالى
يطري علي كل ما كبرت با صلي = اروح واجي وطاريه على بالي

يا مرحبا ياللي عبر كل الابحار=ضحّى بروحه للكويـت واهلهـا

متابعينـه بالجرايـد والاخبـار=ونشاهده فـي كـل دارٍ نزلهـا

يا حاكمٍ حكمه على الشعب ماجار= نفسه على شعبـه بعيـدٍ زعلهـا

شيخٍ حنونٍ كنّـه الوالـد البـارالدار =واهل الدار يرفـا خملهـا

لولا حماة الدار ماعاشت الـدار= ولا تعـلّـت بالمـبـانـي فللها

سديد راي ان كان ضاعن الافكار = نفسه عسى ربي يطـوّل مهلهـا

أهل النميمه والحكي والمسبـه= بين الاخوان يولعون السعيـره

ناسٍ من الحبة يحطـون قبـه = ويكوّنون من الصغيره كبيـره

مكثرة حقدك على مـن تحبـه = ومفرقه بين الخشير وخشيـره

رجلٍ كلامـه مايسنـع مطبـه= قبل يتكلم مايحاسـب ضميـره

لبّاس ثوبٍ يجهلون العرب بـه= وهو تابعٍ ممشى الوجيه الحقيره

عن كشف سر الناس ماني بملزوم= وشورك لمن لا يطلب الشور ضايع

عن عالم امسٍ يختلف عالم اليـوم = متخالفيـنٍ بالشـكـل والطبـايـع

ياما من العثرات والشـوم واللـوم =الله يخرجنـا ببيـض الصنـايـع

يارب من صلى لرجواك ويصـوم =وروحه وداعه وانت راعي الودايع

يالله عسى ماني من العفو محـروم = عسى ذنوبي ماتجـي لـي منايـع

يالله يـا مديـر الهبايـب والافـلاك= ياللي دبيـب الـذر ماهـو بخافيـك

ألطـف بعبـدٍ يطلبـك ويتـرجـاك= لا غافـلٍ عنـك ولاهـو بناسـيـك

خليـك يابـن آدم زهيـدٍ بدنـيـاك = ارزاق بقعـا لاتـغـرك وتغـويـك

ان اقبلت تاتيك باضعـاف الاسـلاك = وان دبرت ماعـاد تسمـع مناديـك

لو ساعفت لك ساعةٍ تقطـع رشـاك = واتيّهـك عقـب المعـزه وترميـك

اللي وطا غيرك من النـاس ياطـاك =مامر قدامـك علـى النـاس ياتيـك

ياويلكم ياهـل العقـول السقيمـه = كلٍ يسجـل فـي كتابـه قبايحـه

يكتب على الانسان ماكان يعملـه=كلٍ حصاده مـن نتايـج فلايحـه

كم شايبٍ شيبه على الصح والنقـا = وكم شايبٍ شيبه تغـرك لويحـه

كم واحدٍ غـره زمانـه ووهقـه = على طريق الشر ناحـت نوايحـه

اغنم شبابـك يابـن آدم وقوتك = واعرف لنفسك دام فرصتك تايحه

لاتقضي ايامك على اللعب والجهل = الآخـره دارك ودنيـاك رايحـه

تعودت مبدا الرجـم صبـحٍ وعصريـه= وعيني من الدمعه خـذت حقهـا وافـي

الا جيت بخفي الحـزن بانـت مواريـه= ودمعة عيوني بينـت حزنـي الخافـي

اجامل مـع الخـلان جـوزا معذريـه = وكل الجـروح اكنهـا بيـن الاجنافـي

وكنـي مريـضٍ مايبـيـن مشاكـيـه =يجامل مـع الـزوار ويقـول متعافـي

مريضٍ مرض قلـبٍ وعينـي شقاويـه= ومبطي وانا مـن لـذة النـوم متجافـي

وقلبـي حنـونٍ للـديـار الجنوبـيـه = وطول البطا ماغيرت حبهـا الصافـي

ومبداي فـي عـرقٍ تعنكـب ذواريـه= هو احب من قصرٍ بني قرب الاسيافـي

هل الجوب ذكروا ربعوا في ضواحيـه= وقالوا غواميس النخـل عشبهـا زافـي

وحلـوا هـل الذيـدان عنـد الرماديـه =وخذوا في جناب الغرس مشتى ومصيافي

والله ان عيني من المطرش حزينه =غير تجبرني على المطرش ظروفي

حي من حال الشفق بيني وبينه .=وانتزح مازيد ناشــه طول شوفي

أشهد ان فرقى الضحى ماهي بزينه =روحتك واللي يحبونك وقوفي

سعد من كبده على الفرقا متينه .=ماغدى للحزن في كبده جروفي

قطع يافرقــى المولع من خدينه =ساعةِ فيها تخيلاف الشفوقي

الهـوى كم خف من نفسِ رزينه =عقبي صفوفِ وقدامي اصفوفي

أعترفت اني قتيل اسهوم عينه =يوم هل الغيث من روس القنوفي

انكشف شي وحنا جاحدينه .=ند ما حل الموادع بالكفوفي

عاتقِ حبه و دايرةِ سنينه =ومبطيِ والنفس عن غيره عيوفي

عزالله انـه فـات دور البـوادي = وجانا زمانٍ ليت حـن مالحقنـاه

وصارت حياة البل حياة الزهادي= عزي لها من جيل ذاالوقت عزاه

رعيانهـا بمسـجـلات وروادي =ومواترٍ ماشـت منهـا توطـاه

ابنك يضم ابلك ضمامة نكـادي = واعدى عدوٍ مايسـوي سوايـاه

تارك صلاة وبالمراجل ربـادي = لوجاه بسٍ كل زهابـه وخـلاه

يا سايمٍ هزعا الفقـار السنـادي = لاهي بمبيوعه ولاهـي بمهـداه

مهبول يا سوام مهجـة فـوادي = مايدري انه تل قلبي من اقصـاه

لو ساق مالٍ مال كثـره اعـدادي = باقول لا ماعاد فيهـا مقاصـاه

وشلون توخذ ماوراهـا طـرادي = وكسّابها مامعـه مايذبـح الشـاه

البل ثمنها عنـد قـدح الزنـادي = وقولة فلانٍ طاح وفـلان خـلاه

في امان الله يالبل عسى حظك يزيـن= تعتنز روحي من الثقل فـوق كفوفهـا

هملوك اللـي بعدنـا وحنـا منتهيـن= غصب ولا العرب ماينّسى معروفهـا

حزت منك يوم ذهّبت في روحي عوين = الجهد كمّـل وعينـي تدانـى شوفهـا

حي وقتٍ فات يالعِرب جرعات الحنين= يوم اهلهـا دونهـا يفتقـون سيوفهـا

عامر بن نوطان من أجزل الشعراء وقلما لن يتگرر

مـآت ولم يمت ذگره وشعره وسيرته

مـآت ومازلنا نتغنى بگلمآته

مـآت ومازال حبه محفوراً بقلوب عشآقه

مـآت وجيل بعد جيل تتجدد شعبيته ويتگآثر جمهوره

رحمك الله يا عامر آل نوطان رحمةً واسعه وأسكنك فسيح جنّاته

المشاركة الأصلية كتبت بواسطة فهد آل شماله سجل لمشاهدة الروابط رحمك الله يا ابن نوطان, مازلت أحد أكبر شعراء آل مره ولا زالت أبياتك محفوره في ذاكرة الجميع ساره, مجهود جبّار تستحقّين عليه الثناء دمتم بخير